De Grossvater isch mit sine 2 Enkel go laufe.
Im Park inne isch de Grossvater uf e Bänkli ghocked ond het Zitig glese.
Sini zwee Enkel hend gspielt. Zmol frogt de Ölte:
«Du Grossvater, wie isch doch da wennme en Rusch het?»
De Grossvater het ke Antwot ge.
De Bueb het grüeft:
«Grossvater, Grossvater!»
Endlich het de Grossvater gsät:
«Jo, wa isch denn?»
Do het de Bueb nomol gfroge:
«Wie isch da, wenn me en Rusch het?»
Do het de Grossvater gsät:
«Mosch jetzt gad luege dei ene uf em sebe Bänkli setzid zwe Manne.
Jetzt wend anstatt zwee Manne vier Manne wösch gsie, denn hettsch en Rusch!»
Nocheme Wiili het de Bueb zom Grossvater gsät:
«Abe du Grossvater, uf em sebe Bänkli hockt gad en Maa!»

Der Grossvater ist mit seinen zwei Enkeln spazieren.
Im Park setzt er sich auf eine Bank und liest die Zeitung.
Seine zwei Enkel spielen. Auf einmal fragt der Ältere:
«Du Grossvater, wie ist das, wenn man betrunken ist?»
Grossvater gab keine Antwort und der Junge hat nochmals gerufen:
«Grossvater, Grossvater!»
Endlich gab er Antwort und sagt:
«Was ist denn?»
Der Junge fragt nochmals:
«Wie ist das, wenn man betrunken ist?»
Er gibt zu Antwort:
«Schau, dort sitzen zwei Männer auf der Bank. Wenn du betrunken bist, würdest du 4 Männer sehen!»
Nach einer Weile kam der Junge wieder zum Grossvater und meint:
«Aber Grossvater auf dieser Bank sitzt nur ein Mann!»